ماهو ترخيص GPL ؟

ده نوع ترخيص للبرمجيات بيتيح للمستخدم الاطلاع على بعض أكواد السورس كود الخاص بأي منتج برمجي سواء برنامج للكمبيوتر أو زي ما هو شائع في الووردبريس من ثيمات وبلاجنز وموضوع التراخيص وانواعها كبير وهتحتاج تعرف عنه لو انت مرمج او شركة بتصنع اي برمجيات

 
واختصارا GPL ده نوع ترخيص اساسي في قوالب الووردبريس والبلاجنز يعني اي بلاجن او ثيم من داخل الووردبريس نفسها اجباري يكون GPL
اغلبية الشركات المطورة لثيمات وبلاجنز الووردبريس بيحطوا نسخة مجانية تقدر توصل لها من داخل الووردبريس نفسها فقط وفي ملايين الثيمات والبلاجنز ونسخ تانية مدفوعة فيها كل الامكانيات
 
وطبعا الاغلبية اذا ما كان كل الثيمات والبلاجنز من داخل الووردبريس نفسها بتكون امكانياتها محدودة وعشان تستخدم وتحصل على كل الامكانيات للثيم او البلاجن بتروح تشتري النسخة من مواقعها الرسمية فقط
 
المواقع الرسمية والشركات المطورة في منهم نوعين، النوع الاول بيعملوا ترخيص البيع لموقع واحد واشهرهم موقع انفاتو وثيم فورست واي حد تلاقيه بيبيع اي اداة من ادوات ثيم فورست فهو نصاب لان الشركة نفسها بتعطي الترخيص لموقع واحد فقط
الترخيص بيكون سيريال نمبر وكل فكرته انك لما تعمل تفعيل بالسيريال نمبر من داخل موقعك فبيتم ربط موقعك بالسيستم الخاص بالمطور وبالتالي بتحصل على تحديثات تلقائية فقط للموقع اللي تم تفعيله
 
كان في ثغرات في اصدارات قديمة في بعض قوالب وبلاجنز ثيم فورست والناس استغلوها وبقوا بيبيعوا الثيمات والبلاجنز على انها نسخ اصلية لكن الكلام ده كله مع الوقت بيتكشف وبتعرض موقعك للاختراق
 
ببساطة الثيم والبلاجن برامج للوردبريس زي الفوتوشوب وانترنت داونلوود مانجر للويندوز
وزي ما بينزل كراك للويندوز والفوتوشوب وانترنت داونلوود مانجر بينزل كمان ثيمات وبلاجنز بتكون مفعلة مسبقا وفي الحالة دي بتسمى
Nulled
يعني مكركة
 
المبرمج اللي اخترق السورس كود وغير في الاكواد مش واحد غبي وجاهل واكيد طبعا مش غرضه شريف عشان يفيد المجتمع والا كان بكل بساطة هو ذات نفسه عمل البرنامج او الثيم او البلاجن
 
وبالتأكيد مش محتاج المواقع الصغيرة اللي لسه مبتدئة فبالتالي بيكون عامل سيستم داخلي بحيث لو الموقع يوصل لعدد زيارات معينة او لما الموقع يكمل مثلا فترة كذا ،،،، باكتر من طريقة او فكرة المهم انه بيظبط سيستم اكواد يشتغل بشرط هو محدده
 
الاختراق ممكن بيكون اختراق كامل للموقع وده في حالة ان موقعك كبير ومعروف وطبعا المواقع الكبيرة عمرهم ما هيستخدموا اي حاجه مكركة
وممكن يكون تعدين عملات رقمية وتلاقي موقعك بطيء وجهازك مع الوقت يبطء
زمان كان بيحطوا اعلانات وحاجات كتير زي باك لينك وغيرها
وكمان بيعمل تحويل للزوار لمواقع تانية خاصة بيه لانه بيكون عنده القدرة على التحكم في موقعك
 
عشان كده اي حد يقولك انه بيفحص الثيم قبل ما يستخدمه اعرف مباشرة انه جاهل ومش فاهم اي حاجه لان في الفحص مش عيظهر اي اكواد خبيثة وانما بيتم دمجها في الموقع بعد التفعيل بنفس طريقة فيروس الفدية المعروف
واي حد بيبيع النوع ده من الثيمات والبلاجنز بيقولك انه GPL ولكن هو مكرك يعني Nulled يعني 99% هيتم اختراق موقعك في اي وقت وبكده انت مش بتعمل موقع ولا شغل حقيقي لما يكون كل شغلك معرض للضياع بالطريقة والنسبة دي
 
ولذلك لو شفت شخص او موقع عارض اي ثيم من ثيمات ثيم فورست او انفاتو اعرف انه نصاب ومش مشتري نسخة اصلية يعيد استخدامها
 
للعلم نفس الملف بتاع الثيم او البلاجن لو انت مشتريه او تعرف حد مشتريه ومتأكد منه فهنا الثيم او البلاجن بيشتغل بترخيص GPL يعني بيشتغل على اي عدد مواقع ولكن بدون الحصول على التحديثات واغلبية التحديثات اما بتكون لاضافة امكانيات جديدة او لسد ثغرات اختراقات لان اي حاجه معرضة للاختراق حتى لو كانت مفعلة بسيريال اصلي لو كان في ثغرات برمجية وهنا ده اللي بيفرق شركة عن شركة في وجود التحديثات باستمرار وبالتالي اي استخدام لاي ثيم او بلاجن بترخيص GPL من خارج الووردبريس نفسها فده بيعرض موقعك للاختراق لعدم وجود تحديثات تلقائية وطبيعي النوع ده من الشركات بيقدم دعم للمستخدمين والمشتريين بس بيكون لموقع واحد اللي تم تفعيل الثيم او البلاجن عليه
 
النوع التاني من الشركات والمواقع الرسمية المطورة بيقدموا خطة اسعار تسمح للمستخدم انه يستخدم السيريال على اكتر من موقع وده بيكون تفعيل رسمي والشركة في خطط اسعارهم على مواقعهم الرسمية بتسمح بكده
 
بس طبعا الاسعار بتكون غالية جدا زي اشتراك اليمنتور برو اللي ب 1000 دولار سنوي ل 1000 موقع او 49 دولار لموقع واحد سنوي
 
احنا في سوق الووردبريس او صفحة Souq WP
بنشتري النوع التاني ده من الادوات اللي بيكون لاكبر او اي عدد مواقع ونعيد البيع والتوزيع باسعار بسيطة تتناسب مع جمهور الوطن العربي وبمناسبة افتتاح الموقع الرسمي الخاص بنا عاملين تخفيض اكبر على جميع الاسعار والاشتراكات حاليا ويوميا هنضيف منتجات جديدة بافضل الاسعار
تقدر تتابعنا على الجروبات او موقعنا الرسمي
http://souqwp.com/

اترك تعليقاً

لن يتم نشر عنوان بريدك الإلكتروني.